? ? ? ? 題記：吾就是一個土生土長個上海人，今早仔，吾就決定采用上海方言俚語詞語，唻撰寫一篇搭各類人事物情有得關系個文章，吾還覺著，要是用方言唻寫文章，也是屬于邪氣有意思個一樁事體！
? ? ? ? 勒拉吾個城市，有得一段辰光邪氣歡喜講講“朋友”迭句口頭禪，勒拉搭對方講事體個前頭，眼扳數先要講講“朋友”迭個詞語。
? ? ? ? 勒拉老底子，上海人還歡喜講講迭能一句閑話，覅是講：“到上海去伐（不）”，就是勒拉迭句閑話個前頭，再去添加“朋友”迭個詞語，就變成為“朋友，到上海去伐（不）！”朋友，當儂聽到有人勒拉開口講迭句閑話個辰光，勒拉內心深處弄嘞覅好還會得去產生一眼眼疑問打上一個大大個問號唻哦，并且還會得因此去“認為”，要么講迭句閑話個人，伊大概覅是上海人，是從外省市過唻個人，要覅然個閑話，伊哪能會得講得出迭句閑話唻啊？！要是伊是一個正宗個上海人，是“堅決覅可能講迭句閑話個”，實際浪向“到上海去伐（不）”，是吾伲上海人勒辣老底子每隔一段辰光眼扳數要講個一句口頭禪，而且使用頻率是邪氣多個，只畀過今朝仔很少有人再去講伊而已！
? ? ? ? 勒拉上海灘浪向有一條江就叫做“黃浦江”，勒拉老底子個上海灘浪向，基本浪向就是以黃浦江為界線個，只要是黃浦江以東就一律畀叫做浦東，黃浦江以西就一律畀叫做浦西。“到上海去伐（不）”，主要還是指居住勒拉浦東地區個浦東人乘擺渡船過黃浦江到浦西去白相，因為勒拉掰搿辰光，勒拉黃浦江個上頭，嘸得啥個跨江大橋個，勒拉黃浦江個地下頭，也是嘸得啥個越江隧道個，浦東人去浦西，只好乘坐擺渡船，要是碰到冬天介迷霧天氣，擺渡船還要停航唻！
? ? ? ? 勒拉老底子個辰光，勒拉跨江大橋搭越江隧道還嘸得建成個前頭，對于浦東地區個浦東人唻講伐，畀去黃浦區外灘看看情人墻、輪船勒拉黃浦江浪向往來穿梭、萬國建筑群；逛逛原南市區老城隍廟豫園、黃浦區蕩南京東路步行街、虹口區四川北路布店、大世界；僎叫做“白相（大）上海”，或“到（大）上海去白相”，覅僅是迭恁樣子，甚至于浦東人畀凡是黃浦江個對岸（面），儕是統稱為“上海”。
? ? ? ? 還有個就是，勒拉老底子個上海灘浪向，有得十大郊縣搭十個區，迭個十大郊縣分別就是指：上海縣、川沙縣、南匯縣、奉賢縣、金山縣、松江縣、青浦縣、嘉定縣、寶山縣搭崇明縣，十個區分別就是指黃浦區、虹口區、徐匯區、靜安區、楊浦區、長寧區、普陀區、南市區、盧灣區搭閘北區。吾為啥要撰寫迭能一段文字啊，就是因為吾還了解到迭能一種情況唻，就是因為勒拉掰搿辰光，只要是十大郊縣里向個人，到黃浦區、南市區等市區白相，伊拉儕是會得講講迭能一句閑話個，唻講道：“吾伲到上海去白（相）相伐（不）！”……
? ? ? ? 記得就勒拉吾讀小學個辰光，外公倪根生外婆張榴妹個屋里向就是住勒拉原上海市川沙縣洋涇鎮永安街北凌家弄上頭個，就是今早仔個浦東大道崮山路路口“一品粵珍”酒店個所在地，還勒拉掰搿辰光，吾覅只一趟聽到迭能一句閑話哦，而且有得聽到過好幾趟唻，只要是洋涇鎮浪向個老百姓，就算是跑到嘞歇浦路渡口，乘“寧歇線”擺渡船，到對岸（面）個楊浦區第三百貨商店去購物買買各類么事，去松潘路小菜場買買小菜，啊一樣會得稱之為“到上海去伐（不）”，“今早仔吾（伲）到上海去買過么事嘞”。勒拉伊個辰光上海有得12爿百貨商店，盡管原先勒拉浦東大道永安街路口啊有得兩爿商店，面朝東個一爿是百貨體育用品商店，面朝西個一爿是百貨日（食）用品商店，鎮浪向個洋涇鎮西路同樣啊有得一爿百貨商店，但畀過對于鎮浪向個人唻講，更加愿意乘擺渡船到對岸（面）個楊浦區平涼路1489號第三百貨商店買賣么事，【備注：第三百貨商店就勒拉楊浦區工人文化宮個對面，楊浦區工人文化宮簡稱叫做“東宮”。】勒拉浦東人看唻，就算是到過上海嘞，迭個尤其是浦東洋涇鎮人心目當中個上海灘嘞。
? ? ? ? 覅僅是迭能樣子唻，2003年7月份－－2009年12月份個辰光，勒拉掰搿辰光里向，吾個工作地點就是勒拉浦東新區個凌橋地區，夯吧啷當也就工作六年多辰光，等日腳一長以后，吾還覺著迭個地方個人也是屬于交關有趣個，凡是迭個地方土生土長個人，到草高支路乘“草臨線”擺渡船去楊浦區五角場；到三岔港乘“三淞線”擺渡船去寶山區；啊同樣稱“到上海去伐（不）”“到上海去白相相”。
? ? ? ? 就從吾出生一直要到16歲往里，有得一半個辰光，是住勒拉原川沙縣高橋鎮上頭個，另外一半個辰光，則是住勒拉原川沙縣洋涇鎮，即今早仔個浦東新區高橋鎮、洋涇地區，雖然講迭兩個城鎮，勒拉伊拉是屬于原川沙縣歷史浪向個四大名城鎮當中個兩大名城鎮，勒拉郊區地區，伊拉商業啊可以算得上是交關繁榮發達個，但畀過，覅管哪能去講，畢竟還是勒拉浦東地區，搭浦西地區根本覅是一個檔次個，絕對是覅好去相比較個，彼此之間個距離要相差十萬八千里唻。
? ? ? ? 所以講，勒拉計劃經濟個年代里向、勒拉老底子，浦東地區個老百姓只要是勒拉自家經濟有一眼眼寬裕個條件下頭、再加上還只要是有得嘞空余個辰光，想要買高檔一眼、時髦一點、好一眼、帶有品牌個各類么事搭商品，還是要到浦西去跑一趟哦。勒拉滑稽戲段子當中，也有類似個講法，一段滑稽戲是迭能唻講個，盡管有浦西老百姓搬遷到浦東唻嘞以后，還相信浦西地區個么事好，浦東地區個么事就是屬于邪氣推扳、覅大靈光個，要買賣各類么事，還是跑到浦西是來得比較好個，嘸得想到個一樁事體，那就是－－結果等到自家買回到屋里向以后，僎發覺自家所買個么事搭商品，儕是浦東生產出唻個。
? ? ? ? 為此、為嘞能夠更加好個說明迭種情況，還是就讓吾唻例舉幾個方面個例子講講清爽伐。比方講：去原南市區十六鋪東門路45號第五百貨商店【注解：第五百貨商店今早仔已經畀拆忒嘞！】、原唻仔盧灣區淮海路903號第尼百貨商店、原唻仔盧灣區淮海中路449號婦女用品商店、原唻仔黃浦區南京東路830號第一百貨商店……凡是過往與種種人事物情，真個可以講是舉不勝舉個。對于浦東地區個老百姓唻講伐，個人搭家庭擁有嘞空閑個辰光以后，想要跑到外頭去白相相個閑話，浦東地區個老百姓依舊是歡喜往浦西去跑一趟哦。假使講浦東地區個老百姓，實在是覅想跑到浦西去嘞，但畀過又想出去逛逛買賣么事，那又該哪能去辦呢？！吾伲還可以乘81路、85路公交車，到嶗山西路、東昌路，勒拉掰搿辰光，迭個兩塊地方還歸黃浦區管轄，各類商品啊算得上交關齊全個，勒拉浦東地區啊可以算作是兩個購物個好地方哦。畀過，搭浦西做一個比較，還是有得一定個差距個！
? ? ? ? 勒拉老底子，相比之下而言，浦東地區個商業運轉模式搭程度，遠遠較覅如浦西來得繁榮跟發達哦，交通啊嘸得浦西地區來得方便便利哦！勒拉掰搿辰光，還嘸得啥個越江隧道跟跨江大橋唻，浦東地區個人要想跑到浦西去白相相，只恁夠去依靠擺渡船，去一趟啊覅是邪氣容易方便個事體啊，一旦是碰著嘞大霧彌漫個大霧天氣，擺渡船（自輪渡）還要去停航唻，“到上海去伐（不）”好算得上是一樁大事體嘞，所以勒拉去個前頭，事先就要去盤算謀劃好，看看天氣么哪能樣子、靈光伐？！還要成群結隊三五成群唻，大家一道結伴同行。
? ? ? ? 勒拉掰搿辰光，也就是吾還是處在童年搭少年個時代里向，吾唯一有一位上海個親眷－－大姨夫沈小兔搭大姨媽倪榴娣是居住勒拉虹口區東漢陽路上頭個，就勒拉掰搿辰光個里向，吾個屋里廂是居住勒拉有得800多年歷史、高橋古鎮上頭個，當辰光走到今早仔，吾依舊還能夠清清爽爽個去記得迭能一樁事體，那就是－－每趟仔要是到大姨夫搭大姨媽屋里向去白相相個閑話，大清老早就要爬起唻嘞，眼扳數要勒拉七點鐘前頭出發個，最最晚個辰光也要勒拉早浪向7點鐘左右，到81路公交車終點站上頭等公交車，覅是先乘公交車到歇浦路站下車，去乘“寧歇線”擺渡船過江，再轉乘22路電車或28路電車，就是乘81路公交車到民生路站下車，去乘“民丹線”擺渡船過江，再轉乘22路電車或28路電車，到嘞大姨夫搭大姨媽個屋里向，勒拉絕大多數個情況下頭唻講伐，基本浪向已快要到喫中飯個辰光嘞！
? ? ? ? 到大姨父搭大姨媽個屋里向去做人客個閑話，往往是做人客一做就要做一整天，要是覅喫好夜飯個閑話，大姨父搭大姨媽是堅決覅肯讓吾伲回去個。每趟仔等到吾伲儕都喫好仔中飯以后，辰光往往已經是到嘞下半日嘞，只要是一到下半日以后，勒拉絕大多數個情況下頭，吾伲就會得搭大姨媽、大表姐陳翠英等親眷，大家一道跑到四川北路上頭，因為勒拉掰搿辰光四川北路就是屬于一條邪氣有名氣個商業街，有得各式各樣個布點搭商店，去蕩蕩馬路買賣么事，勒拉老底子有得覅少個上海老百姓，邪氣歡喜蕩蕩迭條馬路買賣各類么事個，老底子還流行一句閑話叫做：“看看逛逛其他路，買賣請到四川路！”
? ? ? ? 吾還想去講個閑話，那就是－－就算歷史個滾滾車輪走到嘞今早仔，勒拉土生土長個老上海人，或多或少還照樣是有得迭能一種看法個，還仍舊是要畀上海人區分出三六九等唻個。覅管辰光過忒有多久，吾還是能夠去記得迭能一樁事體，勒拉吾孩童搭少年個辰光里向，每趟仔搭親眷去四川北路蕩馬路個閑話，一跑到商店里向挑選各類商品、買賣各類么事個閑話，就因為講閑話帶有浦東地區個口音，營業員伊拉就會得帶有看覅起個味道講：“有得阿鄉唻買么事嘞！”……
? ? ? ? 每趟仔到上海去白相相，回到屋里向以后，假使是有買過么事個，朋友、鄰居以及同事看到以后，眼扳數會得圍攏過來問問情況，儂迭眼么事，或儂迭件衣裳是勒拉啥地方買個？！迭個辰光講閑話個人，伊個語氣要比平常日腳硬氣得多嘞，語調語氣當中畀定會帶著一份自豪感搭滿足感個，回答道：“勒拉上海（浦西）去買個！”或者講：“勒拉上海南京東路市百一店買個！”……迭個辰光覅要忒扎臺型哦！【備注：“扎臺型”是上海方言，是指“邪氣有面子”個意思。】
? ? ? ? 吾還清爽個去記得，盡管原先洋涇鎮建平路上菱冰箱廠對面有的一個蔬菜批發市場，勒拉掰搿辰光假使屋里有一眼事體，【備注：通常情況下頭“屋里有一眼事體”是指：每過一段辰光所有個家庭成員聚集勒拉一道，喫飯、喝酒、嘎訕胡。勒拉掰搿辰光，無論是社會還是家庭，各種條件遠覅如今早仔好，飯店也少，一旦有家庭大聚會，多數情況都是呆嘞屋里向，自家動手去做。】洋涇鎮人寧肯到歇鋪路乘“寧歇線”擺渡船過江，去對面松潘路菜場買賣小菜，啊不愿意去洋涇鎮蔬菜批發市場，因為勒拉掰搿辰光，松潘路菜市場個品種多、貨源邪氣齊全、選擇余地交關大，家父陸吉良帶吾去過好幾趟唻！
? ? ? ? 勒拉小辰光，吾個屋里向是居住勒拉高橋鎮上頭個，假使爺娘告訴吾明早仔吾伲帶儂到上海去白相相，當天夜到頭眼扳數高興興奮地睏覅著覺個，期盼天馬上就亮起唻，就好到上海去白相嘞，假使一年到頭能去六七趟已算是邪氣幸福個事體！又假使交關辰光嘸去嘞，自會得向爺娘央求道：“上海去伐，到上海去伐（不）？！”……
? ? ? 【備注：①：文章為作者原創；②：各種各個時期的上海市風景圖片均來源于網絡上；③：萬分感謝原創圖片。】
? ? ? ? 杜老倌俠客居（陸偉）寫于2013年12月21日禮拜六下半日
