? ? ? ? 自從清朝個末期，國門畀打開唻以后，“上海”迭座城市就是屬于中國最早畀開放個城市之一，勒拉1843年11月17日開埠，伊是根據《南京條約》搭《五口通商章程》個規定而被迫畀開埠個，而且伊還是屬于一座五方雜處個城市，像這種類型個城市，是邪氣容易接受外唻文化搭多元文化，因此講城市文化是兼容并蓄兼而有之個。

? ? ? ? 勒拉交關多個上海文化搭上海方言閑話當中，覅可或缺個元素之一就是迭個－－“洋”字勒，伊見證勒上海迭座城市個昨天仔、今早仔搭明早仔，勒拉上海人個每日俗常生活當中，可以講，絕對是離覅開迭個洋字個，很有可能伴隨著時代個變遷，當歷史個車輪走到勒今早仔，迭個“洋”字使用個頻率并覅是邪氣多，變得越唻越少，盡管是迭能樣子，有時還能聽到有人講一眼搭“洋”字有關個閑話。

? ? ? ? 比方講：就拿自家舉一個例子唻講伐，當辰光走到勒今早仔，本人已經是走過勒43年春秋，勒拉迭個43年春秋當中，還勒拉吾驀然回首之間，突然之間就發覺勒一樁自認為交關有趣個事體，自家曾居住過兩個城鎮，儕都搭“洋”字脫覅了關系，邪氣有得緣分個。

? ? ? ? 自家曾經所居住個第一個城鎮，伊個名字叫做“高橋鎮”，伊既有得800多年個歷史，伊還擁有“營造之鄉”個美譽，勒拉上海灘歷史浪向，曾經就涌現出覅少就是屬于建筑方面個專家搭大師。鐘惠山曾經建造過“會樂里”“慎余里”等石庫門弄堂建筑；葉寶星曾經建造過“衡山飯店”“永安公司”等建筑；楊瑞生建造過“淮海電影院”“星光大戲院”等建筑……就勒拉老個高橋鎮上頭，還有得一條街道，伊老底子個名字叫做勒“白洋灘”，今早仔伊個名字就畀修改成為“石家街”。到今早仔，吾還能夠清爽個去記得，勒拉自家個少年時期里向，既覅管是到外婆張榴妹屋里向做人客白相相；也覅管是去浦西外灘、老城隍廟豫園、南京東路白相相；更覅管去居住勒拉虹口區東漢陽路上頭個大姨父沈小兔搭大姨媽倪榴娣屋里向做人客白相相；“白洋灘”眼扳數要走過個，而且還是屬于一條必經之路。

? ? ? ? 當吾長到16歲以后，因為家父陸吉良貨幣分房，購買一套新公房，屋里就搬遷，所搬遷居住個第尼個城鎮，伊原先個名字叫做“洋涇鎮”，伊是擁有700多年歷史個古鎮搭老鎮，因為政府行政規劃區域合并個原因，就并畀“花木鎮”，今早仔個名稱畀修改成為“花木鎮洋涇地區”，伊所屬個街道名稱叫做“洋涇街道（社區）”。就勒拉老鎮上頭，還有得一條河浜，伊個名字叫做“洋涇港”，迭條河浜，北面好直通黃浦江，南面一直可以通到張家浜，搭張家浜連接勒拉一道，伊個全長大約摸有得六七公里，途徑洋涇鎮橋、南洋涇橋等地方。

? ? ? ? 勒拉中華民國時期個上海灘浪向，有得一條河浜，伊個長度只畀過有得十幾米罷了，伊個名字就叫做“洋涇浜”，伊所在個地理位置就是今早仔個黃浦區延安東路。就勒拉中華民國時期個里向，迭條河浜個北岸是屬于“英租界”個，勒拉河浜個南岸是屬于“法租界”個，就勒拉掰搿辰光個里向，迭個兩塊地方還是屬于“華洋雜處”哦，即：華人搭洋人相互之間是混合居住勒拉一道個，所以講，像迭個兩塊地方個語言，儕是屬于邪氣混雜搭復雜個，只要是勒拉迭個兩塊地方“討生活”個人，既覅管是屬于土生土長個上海人；還覅管是其他城市唻到上海灘浪向個“新上海人”；更覅管是身處勒拉阿里一個社會階層里向個人；像迭種類型個人，伊拉多多少少儕是會得去講一眼眼外語個，還能夠搭老外做一些交關簡單個語言交流，伊拉最主要所講個外語，儕是英語為主個。但畀過，迭些人所講個英文，既屬于覅是邪氣正宗個，也覅是一口交關標準個英語口語，伊拉勒拉講英文個辰光，往往儕會得去套用一些發音比較相近個國語，或者是某些地方方言閑話唻講講，因此講，迭種英語口語一律畀叫做“洋涇浜英語”。

? ? ? ? 滬上已故兩位滑稽大師姚慕雙搭周柏春，有得一個滑稽戲經典段子叫做“學英文”，而且還有好幾個版本，勒拉各種版本當中、勒拉其中共有個一段內容是講：寧波人是哪能樣子唻學習英文，伊拉講英文口語，儕是屬于“洋涇浜英語”，曰：“一塊洋鈿么溫道羅（one dollar）！廿四呃銅鈿么小店佛（twenty-four）。大大輪船史汀婆（steamboat），陰三謝堂（inside sit down）么里向…坐。”……

? ? ? ? 當時光迭輛列車開往到1916年，“洋涇浜”畀填平變成一條馬路，“英租界”搭“法租界”一道變成為“公共租界”，但畀過，“洋涇浜”搭“洋涇浜英語”迭個兩組詞語卻畀上海人保留下唻勒，一直沿用到今早仔，雖然講今早仔講個人唻得邪氣少，勒拉有些辰光里向，還是會得聽到有人勒拉講迭個兩句閑話個。但凡是做起各種事體唻覅夠正宗，或者講，看上去是屬于有一眼眼喇叭腔、覅像腔個味道勒拉里向，還或者講，講起各種方言俚語搭外語覅是邪氣正宗個，還覅是邪氣流利個人，眼扳數要畀大家說道一番個，開口唻講道：“迭個人做起各種事體邪氣洋涇浜個！”“伊講個是洋涇浜英語！”……

? ? ? ? 既因為上海畀開埠，還因為出現“英租界”搭“法租界”，因此講，勒拉上海灘浪向，又滋生出一種新型個行當，名字就叫做“洋行”，“洋行”是外國商人勒拉中國設立個商行商號，中國頂頂早個洋行是勒拉1715年由英國東印度公司開設勒拉廣州個商館。自從擁有“洋行”以后，加之交關多個外國人覅懂得中國國情、地方方言搭中國人個各種人情世故，只為便于搭中國人做各式各樣個生意，因此勒拉“洋行”里向，又聘請覅少頭腦邪氣活絡、懂得各地方言、人情世故，還會得講一眼眼英文個中國人，到洋行里向去做一個買辦，凡是做迭種行當個人，儕是畀上海老百姓稱之為“洋行買辦”。假使講，勒拉掰搿辰光，屋里向要是有人勒拉洋行里向做買辦，覅僅是邪氣洋氣個一樁事體，而且還會得畀親朋好友們稱贊道：“哦呦喂，儂今早仔覅得了勒嘛，竟然也畀儂混格拉斯混到洋行里向去做一個買辦啦！”……

? ? ? ? 勒拉中華民國時期個上海灘浪向，洋人聚集勒拉一道做各種生意個地方，儕是畀叫做“洋場”，因此講，勒拉掰搿辰光個上海灘浪向，就有得“十里洋場”搭“十里夷場”迭個兩種講法。勒拉通常情況下頭唻講伐，老百姓講“十里洋場”唻得交關多一眼眼，講“十里夷場”迭個四個字，基本浪向儕是一些文人墨客，雖然講中國已經是落伍，搭全世界比較起唻，差距是變得邪氣大個，還被動個畀打開開放國門，但畀過，對一些文人墨客唻講，多多少少儕是對老外看大覅起個，總覺著老外嘸中國人唻得好，所以就用一個“夷”字唻貶低伊拉。

? ? ? ? 自從中國國門畀東西方列強打開唻以后，還自從大力開辦各式各樣個洋行之后，因此就覅得覅被動個輸入交關多個舶唻商品，尤其是勒拉上海灘浪向，凡是由外國唻個各種商品，儕是要勒拉商品名字個前頭去添加迭個“洋”字，之所以要去添加迭個“洋”字，儕是因為勒拉掰搿辰光里向，基本浪向，各式各樣個商品，儕是要靠外國引進到中國唻，自家是制造覅出唻個，吾就舉一些例子唻說明情況。

? ? ? ? 勒拉掰搿辰光里向，上海灘浪向個老百姓，就勒拉每日個俗常生活里向，有得交關多個事體搭么事，還儕是搭“洋”字搭界個。

? ? ? ? 就勒拉最初個中國，是嘸沒啥個電燈個，等到夜快頭，天就會得變得邪氣暗戳戳，照明所使用個么事，覅是照明用油，就是去使用蠟燭，迭個兩樣么事，就畀上海人叫做“洋油”搭“洋蠟燭”。自從擁有“洋蠟燭”迭個詞語以后，長輩勒拉教育自家屋里向小輩個辰光，或者講，一方要好好較去教育犯過錯誤個另外一方，就去發明一句上海方言閑話，曰：“儂迭個人啊，真是一個標標準準個洋蠟燭，勿點勿亮，只有點過勒以后，儕會得亮一眼眼！”……迭句閑話個意思是勒拉講，只有當一個人喫過勒各種苦頭、栽過勒各種跟頭以后，自家儕會得曉得到底錯勒拉啥地方，只有喫過虧個人，儕會得有長進，還只有自家受到過各種懲罰以后，儕會得去改正錯誤覅再去犯錯。

? ? ? ? 勒拉老底子、勒拉上海灘個歷史浪向，就有得兩種邪氣特別個房子哦，第一種房子：就是叫作“石庫門”，伊融匯西方文化搭中國傳統民居固有個特點跟特色，畀上海人叫做“新式里弄建筑”，儕是用石頭唻做門框個，以烏漆實心厚木做門扇，是具有中國特色個上海居民住宅。第尼種房子：是模仿歐美房子個式樣，屬于獨門獨戶類型個，并且勒拉房子個里向，還帶有花園搭池塘，伊個層高并覅是邪氣高個，頂頂高個高度也就到四層樓就封頂頂忒勒，迭種房子伊個占地面積也儕是有得覅覅少少個，通風搭陽光儕是屬于邪氣好個，像迭種類型個房子，覅是畀上海人叫做“洋房”，就是畀叫做“花園洋房”。就勒拉掰搿辰光里向，能夠住得起“花園洋房”個人家，覅是屬于邪氣搛銅鈿做各種大生意個老板，就是勒拉政府部門里向做高官個人。

? ? ? ? 因為勒拉房頂上頭是要鋪墊一層或幾層瓦爿個，伊個大小勒拉七八寸大小個叫做“本瓦”，長度勒拉40公分，寬度勒拉20公分，有棱條紋個或黃顏色、或灰顏色個瓦爿，上海人就叫做“洋瓦”。

? ? ? ? 老上海人歡喜畀長得長長個白蘿卜覅是叫作“白蘿卜”，而是叫作“洋花蘿卜”。學名叫“菊芋”個食物上海人叫做“洋姜”。

? ? ? ? 老上海人儕是曉得迭能一樁事體個，對于正宗個上海家庭婦女（主婦）唻講伐，勒拉縫縫補補方面，覅僅是屬于一把好手，而且還是屬于覅可缺少個，對于每一戶人家唻講伐，就勒拉自家個房間里向，是覅要多講點啥么事個，一定是要去配備一臺“洋機”個，今早仔個上海年輕一代人，就覅一定會曉得迭個物品到底又是啥么事，它又畀老一代上海人叫做“鐵車”。實際浪向所謂個“洋機”就是今早仔大家口中所講個縫紉機，吾個家母倪榴珍曾購買過一臺“蝴蝶牌”縫紉機。擁有“洋機”以后，也一定是要擁有“洋線團”個，勒拉老底子個辰光，“洋線團”儕是要憑票供應個，票子就叫做“民用線券”。

? ? ? ? 只要勒拉“鐵皮”個上頭去“鍍上一層或多層‘錫’”迭種金屬物質以后，或者講，去“鍍上一層或多層‘鋅’”迭種金屬物質以后，老一輩個老上海人儕是歡喜叫做“洋鉛皮”或“洋鐵皮”。勒拉上海地區個方言俚語閑話當中，但凡是覅值一眼眼銅鈿個各種廢棄物品，儕是畀叫做“洋鉛皮”。凡是用洋鐵皮制作而成個掃地所使用個物品－－“畚箕”，自然而然個畀叫做“洋鐵畚箕”搭“洋畚箕”！

? ? ? ? 就連釘各種么事個釘子，勒拉最初個辰光，國人絕對是制造覅出唻個，也是嘸沒一點辦法個，只好向國外去進口進唻，所以就取一個名字叫做“洋釘”。還因為上海人是唻得交關聰明個緣故，因此還去發明有迭能一句方言歇后語，叫做：“叉袋里廂摜洋釘－－‘里戳出’！”其中“摜洋釘”迭個詞語，伊個意思勒拉講，勒叉袋里向裝有洋釘背勒自家個肩膀上頭，歇后語“里戳出”迭個詞語，伊個意思勒拉講：釘尖既從袋子里向戳出唻，還畀戳破忒勒，畀自家個身體刺痛勒，迭句歇后語個意思就是講－－勒拉或家庭或單位里向，有小人專門勒拉作祟，聯合外人講各種壞閑話、唻攻擊并欺負自家人。

? ? ? ? 勒拉上海個各種方言俚語閑話當中，有得兩組帶有“洋”字個老詞語，一定要放勒拉一道唻講講，只有迭能樣子去做一個比較，儕能夠品味出意思搭味道唻個。伊拉分別就是“洋腔”搭“洋相”，迭個兩組詞語個意思儕是勒拉講，外國人所擁有個腔調搭樣子到底是哪能個。勒拉老底子個中國人，搭外國人是覅大一樣個，中國人個規矩又是啥么事呢？！有兩個認得個人，覅管是親朋好友，還是一道共事個同事，相互之間勒拉馬路浪向碰著勒，平輩之間，勒拉通常情況下頭唻講伐，儕是打躬作揖，假使講是碰著勒長輩以后，先要半下跪磕一個頭，然后再去問一聲好。洋人（外國人）就覅一樣勒，是覅大講究啥個大小搭輩分個，見面碰到勒以后，相互之間先是握個手，然后就是相互之間還要左右各去相相面孔、打一記kiss（接吻）。就算辰光走到今早仔，還有交關多個國人，還是覅大習慣外國人迭種做法個。對于老底子個上海人唻講伐，“洋腔”搭“洋相”儕是指一種丑態，所以勒拉迭個兩組詞語個前頭，儕是要去添加迭個“出”字哦，以此唻表示某些人，現在多多少少有一眼眼出丑勒，顯得丑態畢露勒！

? ? ? ? 對中國人唻講，勒拉邪氣長個一段辰光里向，中國人所使用個瓶子唻講伐，勒拉絕大多數個辰光，儕是用瓷土制作而成個，所以就畀國人叫做“瓷瓶”。自從清朝末期國門畀東西方個列強給打開唻以后，引進由玻璃去制作個瓶子，勒拉最初個辰光里向，儕是畀老上海人叫做“洋瓶”。勒拉老底子個辰光，如果有人去佩戴一副度數邪氣深、鏡片交關厚實個架梁，上海人覅是講：“伊戴勒一副‘洋瓶底砣’。”上海人就是講：“伊戴勒一副‘洋瓶砣底’。”對今早仔個上海人唻講，恐怕就覅大曉得迭句閑話，只會得采用“架梁”或“梁兄”唻代替，曰：“儂戴個迭副‘架梁’度數還是邪氣深個，鏡片像啤酒瓶底一樣厚實哦。”或者講道：“儂去看呀，伊就是一個梁兄哦！”

? ? ? ? 對于老一輩個上海人唻講伐，只要碰到某些脾氣搭態度并覅是交關友好個人，脾氣性格是有點古怪個，而且對方還是一個覅合群個人，還有一眼眼陰陽怪氣個味道勒拉里向，上海人儕是會開口迭能唻講對方個，曰：“迭個人忒西洋怪氣，搭伊軋朋友交關沙度！”……

? ? ? ? 勒拉上海地區個各種方言俚語閑話當中，還有得兩組詞語，伊同樣也是指出丑哦，可以講是屬于前頭兩組詞語個比較級別個，就能夠更進一步個說明出丑搭丑態畢露哩。伊拉分別就是講：“洋（像）勿洋（像），三分洋（像）”搭“洋勿洋，腔勿腔”。前頭迭個詞語，伊個意思就是勒拉講，既覅管是阿里一種脾氣秉性一類個人；也覅管伊本人個年齡到底有多少個大小；更覅管伊本人從事個是啥個行當個；為人處世之道一定要擁有三分樣子，要是講，事情做得覅對路子、覅對頭、覅會去操作個閑話，就是屬于“洋勿洋，腔勿腔”個一類人，自然而然就會露出丑態，顯得丑態畢露。有關于迭個方面個例子，還是拿吾自家唻舉例說明，記得有一天隨家父陸吉良去參加家父好友小孩個婚禮，其中有一道小菜名字叫做“魚翅羹”，因為自家是第一趟喫迭道菜肴，也就脫口而出唻講道：“吾覺得迭碗湯盅里向個‘線粉’是邪氣好吃個！”就引起一桌子人哄堂大笑起唻，家父就開口訓斥道：“儂覅了解情況，覅認得迭道小菜，是覅好瞎講八講點啥么事個，迭個也是難怪啊、覅好唻怪儂個，儂今早是第一趟喫這道小菜，迭道小菜是‘魚翅’，而覅是叫做‘線粉’，要去記牢伊，從今往后就覅可以再去搞錯！”……迭個辰光吾真個是“洋勿洋，腔勿腔”！【備注：勒拉上海方言俚語當中，畀喫個食物“粉絲”就叫做“線粉”。】

? ? ? ? 勒拉上海個各種方言俚語閑話當中，還擁有一些，既是屬于交關有趣個，也是屬于邪氣有意思個詞語，而且也儕是搭迭個“洋”字有得關系個。就讓吾繼續舉一些例子唻加以說明迭種情況。比方講：像“洋盤”迭個詞語就是屬于一個有趣個詞語。有覅少個人總歸會去認為，“洋盤”迭個詞語，就是上海人獨有個一種方言閑話，實際浪向，當吾專門去尋找“洋盤”迭個詞語個歷史脈絡以后，就發覺到迭能一樁事體，除忒上海人會去使用“洋盤”迭個詞語以外，身處勒拉其他地方個人，也同樣會去使用“洋盤”迭個詞語個。對于四川人搭重慶人唻講伐，勒拉迭個地區個方言俚語當中，“洋盤”專門就是指：“洋氣”搭“拉風”。勒拉石家莊礦區一帶個閑話，“洋盤”迭個詞語專門就是指：掃地所使用個簸箕，伊是用“白鐵皮”制作而成個。

? ? ? ? 勒拉中華民國時期個上海灘浪向，還勒拉掰搿辰光個上海文學作品當中，同樣會得采用“洋盤”迭個詞語。勒拉掰搿辰光，就有一位筆名叫做“蘧園”個作家，伊原來個本名叫做“歐陽巨源”，伊本人個生卒年月日是嘸沒辦法知曉個，也嘸沒辦法去考證個，伊本人撰寫有《負曝閑談》一書，《負曝閑談》迭本書是《廿載繁華夢》搭《負曝閑談》兩部譴責小說合集。勒拉第九回當中，伊本人是迭能唻寫到個，曰：“且說京城里有個闊公子，姓孫，排行老六，正是北邊人所謂‘冤桶’，南邊人所謂‘洋盤’。”著名作家、文學評論家茅盾先生，勒拉《第一段的故事》六中，有去撰寫過迭能一句閑話哦，曰“我才不來嘔這口閑氣，花這路冤錢，讓那只寡老背地里笑我是洋盤。”

? ? ? ? 勒拉上海方言俚語閑話當中，對于“洋盤”迭個詞語，伊還是擁有兩種含義搭解釋個，而且還儕是帶有貶義個色彩勒拉里向個。

? ? ? ? 第一層含義搭意思是勒拉講：某一些個人或人群，為人處世之道就是屬于覅懂裝懂類型個人，明明自己是一眼眼也覅懂得個，偏偏要偽裝成為一個邪氣懂個人，以外行人唻冒充內行人。上海人就會得去認為，像迭種人就是屬于“硬裝斧頭柄”，且勒拉“冒大蒜”。

? ? ? ? 第尼層含義搭意思是勒拉講：對于某些個人或人群而言，因為自家覅懂裝懂因而出洋相，并且像迭種類型個人會吃（大）虧個。

? ? ? ? 對于第尼層含義搭意思，吾認為仍然要舉兩個例子，從而能更好個講明白迭種情況搭意思！比方講：對于某一樣物品唻講伐，實際浪向頂多只要支付人民幣廿塊洋鈿就可以畀伊購買下唻個，然而，就是因為購買者，既覅大了解市場方面個行情，對于市面浪向個行情還是屬于知之甚少個緣故，從而就會造成像迭種類型個人，花費忒120元人民幣買下唻，像迭種人就是一個標準個洋盤。某些歡喜把玩各類收藏品個愛好者，歡喜收藏各式各樣個收藏品，伊本人滿心歡喜個畀一件收藏品購買回唻，自以為自家是邪氣懂得個，實際買個是贗品，畀贗品當作一件真品收藏品唻收藏，迭種人同樣也叫做“洋盤”。

? ? ? ? 嘎么，像“洋盤”迭個詞語，伊個出處又是從啥地方唻個呢？！伊到底會得有啥個講法呢？！伊個出處同樣也是有兩種講法個。

? ? ? ? 第一種講法是講：“洋盤”主要針對個就是－－勒拉中華民國時期【備注：勒拉舊社會。】嘲諷、諷刺那些洋大人個。【備注：勒拉掰搿辰光，上海人或者其他地區個中國人，對于從外國唻到中國個外國人，儕是叫做“洋大人”，而且還儕是以男性為主。】雖說迭些唻到中國個各位外國洋大人們，勒拉平常日腳個里向，作威作福可以講是習慣成自然，畀過每趟到茶館店里向以后，因為覅懂當地人個規矩，經常性會畀戲弄一番個。比方講：要喫茶，門資就要去加倍，起碼要去翻一倍個價鈿，而且還喫覅到原本可以免費個茶水，覅僅是迭能樣子，雖說是花費高于規定價鈿個門資，但得到卻是邪氣推板個服務。

? ? ? ? 第尼種講法是講：“洋盤”迭個詞語原本是寫作“佯盤”兩個字，老板假姿假眼勒拉撥弄算盤，算出唻個價格并覅是屬于實價。顧客就按照老板計算出唻個價格付銅鈿，自然就是要喫虧個。原唻屬于欺詐個行為，到后末來，就引申為覅懂計算而邪氣容易畀欺騙個人。

? ? ? ? 比方講：做各種生意個老板，頂頂歡喜、頂頂愿意碰著一些缺乏主見、覅曉得行情、覅領市面個顧客。勒拉迭個辰光價鈿就好由老板隨意個開價，老板還會暗戳戳個用滬語對伙計講：“迭個外地人是只洋盤、洋沖（蔥）頭，吾伲要狠狠較去斬伊一刀，伊個老外也同樣是只洋沖（蔥）頭，也好畀吾伲斬一刀個，迭個嘛就叫做，走過路過覅要錯過，還有個就是，要是有斬覅斬，就是一只豬頭三！”……

? ? ? ? 自從上海也畀開埠以后，只要是從外國進口唻到上海個各類商品，畀上海人儕是叫做“洋貨”，迭個還覅算啥么事個，“洋貨”還要畀區分為“東洋貨”搭“西洋貨”，勒拉通常情況唻講伐，“東洋貨”主要指個是“日本洋車”，“西洋貨”主要指個是“西洋鏡”。

? ? ? ? “日本洋車”上海人就畀伊簡稱叫“東洋車”，畀過，最為正確個講法還是叫做“人力車”唻得邪氣好，迭個其實就是作家老舍筆下駱駝祥子所拉個車子，儕是因為是從日本引進到中國唻個，所以講就取名字叫做“東洋車”，迭個還是上海灘繼轎子以后，頂常見個一種交通工具，到后末唻，迭種車輛個顏色多數油漆成為“黃顏色”，勒拉絕大多數個情況儕是作為包車唻用，又改名叫做“黃包車”！

? ? ? ? 今早仔有得交關多個上海人，還覅一定會曉得并認得“西洋鏡”是啥個玩意兒。“西洋鏡”迭個詞語是上海人個叫法，還畀上海人叫做“西洋景”，勒拉北方地區，尤其是北京人，歡喜叫做“拉洋片”，洋人則歡喜叫做“peep show”。伊是由歐美傳入到吾伲國家個一種逗樂裝置游戲，伊是依靠一只大箱子，勒伊個正面就有得三只孔洞，孔洞面積覅是邪氣大個，只好容納一個人去看看。伊個里向有類似于幻燈片個圖像，勒攤主個手里向有一根繩子，每趟仔去拉動一下，就會得調換一張圖像，攤主還會根據圖像個畫面自編自唱，只因為迭些圖片儕是從外國引進到中國唻個，所以就畀國人叫做“拉洋片”。

? ? ? ? “拉洋片”或“西洋鏡”，伊個原理儕是依靠“光學原理”，是需要人去暗箱操作個，所以講多多少少就顯得有一眼眼個神秘感，一旦大箱子畀打開唻以后，里向只是擁有幾張圖片而已，是嘸沒其他么事好去講講個，也是嘸沒啥好稀奇個。因為箱子里向有得各種新奇個故事，因此講勒拉老底子上海灘浪向，“看西洋鏡”就演變成為方言俚語俗語。勒拉上海方言俚語閑話當中，只要畀大家看破門道搭機關以后，有露餡、事情敗露，就叫做“拆（戳）穿勒西洋鏡”……

? ? ? ? 吾是一個土生土長個上海人，勒拉今早仔個虹口區四川北路，勒拉20世紀80年代個辰光，迭條街浪向有各式各樣、大大小小買賣各種布料個布店。對于像“布店”迭種類型個商店，勒拉一般情況下唻講伐，老一輩個上海人通常儕是叫作“洋布店”，為啥會得有迭能一種稱呼呢？！儕因為勒拉老底子，勒拉交關長個一段辰光里向，國人制作個布料，儕是以“家庭作坊”為主個，迭種布料就畀國人叫作“土布”，因為布店里向出售個各式各樣個布料，儕是由機器制作而成個，因此講凡是由機器制作個“機織布”，儕是畀叫作“洋布”個。

? ? ? ? 擁有“洋布店”，自然就有得營業員個，像迭種類型個人員，老上海人儕是叫作“洋布店倌”。勒拉老底子迭個也是屬于邪氣喫香個一種行當。尤其是販賣呢絨個“洋布店倌”，只認衣衫覅認人。據說永安公司老板曾經教導過自家個“洋布店倌”：“客人是覅可以趕跑個，畀過太低檔個就好規勸伊離開，否則其他客人就覅敢唻。”

? ? ? 據吾所了解到個歷史情況，勒拉老底子個辰光，【備注：辰光主要是指中華民國時期個里向。】但凡是某些從事“洋布店”行當個“洋布店倌”，尤其是勒拉呢絨布店里向工作個“洋布店倌”，就是屬于頂會“看山水”一類個人，上海個方言俚語閑話當中“看山水”就是指會察言觀色個一類人，也是擁有自家個“小算盤”搭“工作腳本”個。但凡是看到唻到店鋪里向個客戶，還只要是對方就是屬于衣衫覅整有一眼破破爛爛個，而且還是屬于東張西望個顧客，自然就是用覅著多去講點啥個么事個，一看就是買覅起呢絨個。就會儕是硬生生個扯大嗓門用滬語方言搭對方唻講道：“要買‘卡其布’個閑話，勒浪對過，到對過是有個。”……“卡其布”是由棉、毛、化學纖維混紡而成個一種織品，勒拉掰搿辰光是屬于低檔次個布料，迭句話語個意思是講：儂就是買覅起好布料個窮鬼，覅要唻吾伲此地干擾吾伲做生意。

? ? ? ? 勒老底子個上海，自家臥室個里向，所鋪設個地板要是用個儕是進口個松木，上海人就叫作“洋松地板”。畀家居漆上一層或多層個合成漆，覅是傳統個中國漆，叫涂過“洋漆”，中國漆叫本漆。

? ? ? ? 勒拉各種上海方言俚語閑話當中，上海人還交關歡喜去講“賣洋”搭“賣洋三千”兩組詞語，伊拉個意思就是講：某人就是屬于一個酷愛到處去炫耀一番個人。勒拉“賣洋”個后頭去添加“三千”，就是屬于加強版本，就讓吾最后一趟再唻舉例說明迭種情況。比方講：老張搭老李迭兩個人就是屬于邪氣要好個朋友，某天仔彼此之間勒拉馬路浪向碰著以后，兩個人勒拉一到談山海經個辰光，老李就會時覅時個看看佩戴勒拉手浪向上個世界名牌手表勞力士，還要搭老張講啥個手表是伊個女婿買畀伊作為生日禮物，就是因為女婿曉得老李歡喜戴手表。老張用上海滬語方言開口對老李去講：“算儂搛著一個好女婿，忒儂買只好手表，阿覅曉得儂勒拉賣洋三千點啥么事啊！”……

? ? ? ? 文章撰寫到此地也已是文末，就此擱筆，難免會有掛一漏萬個，要是再好好較去尋覓搭“洋”字有關系個上海方言閑話，還能尋找到交關多個，吾伲只要是用心去尋找，總歸是可以去尋得著個……

? ? ? 【備注：①：文章為作者原創；②：各種上海方言俚語詞語圖片搭范福生老上海風情畫儕是唻源于網絡上頭，圖文邪氣有可能是屬于覅相匹配個；③：萬分感謝原創圖片。

? ? ? ? 杜老倌俠客居（陸偉）寫于2019年11月09日禮拜六夜里向